ປຶກສາຫາລື ກ່ຽວກັບການປັບປຸງຮ່າງລັດຖະບັນຍັດ ວ່າດ້ວຍຄ່າທຳນຽມ ແລະ ຄ່າບໍລິການ (ສະບັບປັບປຸງ)
04/06/2020

(ສພຊ) ຕອນເຊົ້າວັນທີ 26 ພຶດສະພາ ຜ່ານມາ ທີ່ສະພາແຫ່ງຊາດ, ໄດ້ມີກອງປະຊຸມປຶກສາຫາລືກ່ຽວກັບການປັບປຸງລັດຖະດຳລັດປະທານປະເທດວ່າດ້ວຍຄ່າທໍານຽມ ແລະ ຄ່າບໍລິການ ສະບັບເລກທີ 003/ປປທ, ລົງວັນທີ 26 ທັນວາ 2012 ໂດຍການເປັນປະທານຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ; ເຂົ້າຮ່ວມມີບັນດາທ່ານປະທານ-ຮອງປະທານກໍາມາທິການ, ລັດຖະມົນຕີ ປະຈຳສຳນັກງານນາຍົກລັດຖະມົນຕີ ພ້ອມດ້ວຍພາກສ່ວນທີ່ກ່ຽວຂ້ອງ.ຈຸດປະສົງຂອງກອງປະຊຸມຄັ້ງນີ້ ກໍເພື່ອປັບປຸງລັດຖະດໍາລັດຂອງປະທານປະເທດ ວ່າດ້ວຍຄ່າທຳນຽມ  ແລະ ຄ່າບໍລິການ ສະບັບເລກທີ 003/ປປທ, ລົງວັນທີ 26 ທັນວາ 2012 ໃຫ້ສຳເລັດໂດຍໄວ ເພື່ອເປັນເຄື່ອງມືໃນການຈັດເກັບລາຍຮັບຂອງລັດຖະບານ ໃນຂົງເຂດນີ້ໃຫ້ຖືກຕ້ອງຕາມຄວາມເປັນຈິງ.