ກຳມາທິການການຕ່າງປະເທດ

ພິມ

ທີ່ຕັ້ງ ແລະ ພາລະບົດບາດຂອງກຳມະທິການສະພາແຫ່ງຊາດ

ກຳມາທິການສະພາແຫ່ງຊາດ ແມ່ນ ກົງຈັກການຈັດຕັ້ງຂອງສະພາແຫ່ງຊາດ, ປະກອບດ້ວຍ ບັນດາສະມາຊິກສະພາແຫ່ງຊາດ, ມີພາລະບົດບາດເປັນເສນາທິການໃຫ້ສະພາແຫ່ງຊາດ ແລະ ຄະນະປະຈຳສະພາແຫ່ງຊາດໃນການຈັດຕັ້ງປະຕິບັດວຽກງານ ຕາມຂອບເຂດ ສິດ ແລະ ໜ້າທີ່ລວມຂອງ ກຳມາທິການ ຕາມທີ່ໄດ້ກຳນົດໄວ້ໃນກົດໝາຍສະບັບນີ້ ແລະ ລະບຽບການສະເພາະຂອງແຕ່ລະກຳມາ ທິການຂອງສະພາແຫ່ງຊາດ.


ສິດ ແລະໜ້າທີ່ລວມຂອງບັນດາກຳມາທິການ
ກຳມາທິການ ມີ ສິດ ແລະ ໜ້າທີ່ລວມໃນການປະຕິບັດວຽກງານ ທີ່ຢູ່ໃນຄວາມ ຮັບຜິດຊອບຂອງຕົນ ເພື່ອສະເໜີຄະນະປະຈຳສະພາແຫ່ງຊາດ ພິຈາລະນາ ດັ່ງນີ້:
1.ສ້າງຮ່າງແຜນການເຄື່ອນໄຫວວຽກງານຂອງຕົນແຕ່ລະໄລຍະ;
2.ຄົ້ົ້ນຄວ້າ, ກວດກາ ແລະ ປະກອບຄວາມເຫັນໃສ່ ຮ່າງກົດໝາຍ, ຮ່າງລັດຖະບັນຍັດ ແລະ ຮ່າງນິຕິກຳອື່ນ ທີ່ຂະແໜງການກ່ຽວຂ້ອງສະເໜີມາ;
3.ຄົ້ົ້ນຄວ້າການຕີຄວາມໝາຍ, ອະທິບາຍກົດໝາຍ;
4.ເຂົ້າຮ່ວມ ແຕ່ຫົວທີກັບຂະແໜງການທີ່ກ່ຽວຂ້ອງ ເພື່ອຄົ້ນຄວ້າ, ກວດກາຄວາມຖືກ ຕ້ອງ ແລະ ປະກອບຄວາມເຫັນໃສ່ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ;
5.ຄົ້ົ້ນຄວ້າການໂຈະການຈັດຕັ້ງປະຕິບັດ, ການປັບປຸງ, ຍົກເລີກ, ລົບລ້າງ ກົດໝາຍ ແລະ ນິຕິກຳອື່ນ;
6.ເກັບກຳ, ວິເຄາະຂໍ້ມູນ-ຂ່າວສານ ກ່ຽວກັບບັນຫາໃດໜຶ່ງ ຂອງຂະແໜງການ ທີ່ຕົນ ຮັບຜິດຊອບ ເພື່ອສະເໜີໃຫ້ພາກສ່ວນທີ່ກ່ຽວຂ້ອງແກ້ໄຂໃຫ້ຖືກຕ້ອງ ແລະ ຕິດຕາມ ຜົນການແກ້ໄຂບັນຫາດັ່ງກ່າວ;
7.ຄົ້ນຄວ້າ ການໃຫ້ສັດຕະຍາບັນ ຫຼື ການລົບລ້າງ ການເຂົ້າຮ່ວມສົນທິສັນຍາ             ທີ່ ສປປ ລາວ ເປັນພາຄີ ແລະ ສັນຍາສາກົນໃນລະດັບລັດ;
8. ສະເໜີ ແຕ່ງຕັ້ງໜ່ວຍງານສະເພາະກິດ ເມື່ອມີຄວາມຈຳເປັນ;
9.ສະເໜີບັນຫາສຳຄັນ ທີ່ມີຄວາມຫຍຸ້ງຍາກ ແລະ ມາດຕະການແກ້ໄຂ;
10.ຮັບຕ້ອນ, ຈັດກອງປະຊຸມ ເພື່ອຮັບຟັງຄຳຄິດຄຳເຫັນຂອງ ປະຊາຊົນ ແລະ ອົງການ ຈັດຕັ້ງສັງຄົມ ກ່ຽວກັບບັນຫາສຳຄັນຕ່າງໆ;
11.ຊີ້ນຳ ວຽກງານວິຊາການ ຂອງກົມ ທີ່ເປັນເສນາທິການໃຫ້ຕົນ;
12.ປະສານງານກັນ ຫຼື ກັບຂະແໜງການອື່ນທີ່ກ່ຽວຂ້ອງ ຕາມພາລະບົດບາດຂອງຕົນ;
13.ຄົ້ນຄວ້າ ຄຳຮ້ອງຂໍຄວາມເປັນທຳ, ຕິດຕາມສະພາບການແກ້ໄຂຂໍ້ສະເໜີຂອງປະຊາ ຊົນ ຜ່ານສາຍດ່ວນຂອງກອງປະຊຸມສະພາແຫ່ງຊາດ;
14.ພົວພັນ, ຮ່ວມມືກັບ ອົງການຈັດຕັ້ງຕ່າງປະເທດ, ພາກພື້ນ ແລະ ສາກົນ ຕາມການ ຕົກລົງຂອງຄະນະປະຈຳສະພາແຫ່ງຊາດ;
15.ສະຫຼຸບ ແລະ ລາຍງານ ການເຄື່ອນໄຫວວຽກງານຂອງຕົນ ໃຫ້ຄະນະປະຈຳສະພາ ແຫ່ງຊາດ

(ລະບຸໄວ້ໃນມາດຕາ 43 ແລະ45 ຂອງກົດໝາຍວ່າດວ້ຍສະພາແຫ່ງຊາດ ສະບັບປັບປຸ່ງປີ 2015)

 

ລາຍຊື່ສະມາຊິກສະພາແຫ່ງຊາດຊຸດທີ VIII ສັງກັດ ກຳມາທິການ ການຕ່າງປະເທດ

1. ທ່ານ ສຈ. ປອ. ເອກສະຫວ່າງ ວົງວິຈິດ           ສະມາຊິກສະພາແຫ່ງຊາດ ເຂດເລືອກຕັ້ງທີ 13 ເປັນປະທານ;

2. ທ່ານ ເຄນທອງ ນວນທະສິງ                      ສະມາຊິກສະພາແຫ່ງຊາດ ເຂດເລືອກຕັ້ງທີ 5 ເປັນຮອງປະທານ;

3. ທ່ານ ວຽງທະວີສອນ ເທບພະຈັນ               ສະມາຊິກສະພາແຫ່ງຊາດ ເຂດເລືອກຕັ້ງທີ 13 ເປັນຮອງປະທານ;

4. ທ່ານ ປອ. ອະນຸພາບ ຕຸລາລົມ                    ສະມາຊິກສະພາແຫ່ງຊາດ ເຂດເລືອກຕັ້ງທີ 1 ເປັນກໍາມະການ;

5. ທ່ານ ປອ. ຈັນສີ ແສງສົມພູ                      ສະມາຊິກສະພາແຫ່ງຊາດ ເຂດເລືອກຕັ້ງທີ 2 ເປັນກໍາມະການ;

6. ທ່ານ ຄຳຫຼ້າ ພິລະຕ່ອມ                           ສະມາຊິກສະພາແຫ່ງຊາດ ເຂດເລືອກຕັ້ງທີ 3 ເປັນກໍາມະການ;

7. ທ່ານ ປ້ານ ນ້ອຍມະນີ                            ສະມາຊິກສະພາແຫ່ງຊາດ ເຂດເລືອກຕັ້ງທີ 4 ເປັນກໍາມະການ;

8. ທ່ານ ປອ. ສົມລິດ ເປືອກແກ້ວ                   ສະມາຊິກສະພາແຫ່ງຊາດ ເຂດເລືອກຕັ້ງທີ 7 ເປັນກໍາມະການ;

9. ທ່ານ ບຸນສົມ ຄຸນມະນີ                            ສະມາຊິກສະພາແຫ່ງຊາດ ເຂດເລືອກຕັ້ງທີ 6 ເປັນກໍາມະການ;

10. ທ່ານ ພັອ. ແອນ ອຸ່ນອານົງນຸດ                  ສະມາຊິກສະພາແຫ່ງຊາດ ເຂດເລືອກຕັ້ງທີ 8 ເປັນກໍາມະການ;

11. ທ່ານ ບຸນຕົ້ນ ຈັນທະພອນ                       ສະມາຊິກສະພາແຫ່ງຊາດ ເຂດເລືອກຕັ້ງທີ 9 ເປັນກໍາມະການ;

12. ທ່ານ ບຸນເພັງ ສາຍນໍລະດີ                       ສະມາຊິກສະພາແຫ່ງຊາດ ເຂດເລືອກຕັ້ງທີ 10 ເປັນກໍາມະການ;

13. ທ່ານ ປອ. ສຸວັນນີ ໄຊຊະນະ                    ສະມາຊິກສະພາແຫ່ງຊາດ ເຂດເລືອກຕັ້ງທີ 11 ເປັນກໍາມະການ;

14. ທ່ານ ນາງ ບັນດິດ ປະທຸມວັນ                 ສະມາຊິກສະພາແຫ່ງຊາດ ເຂດເລືອກຕັ້ງທີ 12 ເປັນກໍາມະການ;

15. ທ່ານ ປອ. ຄຳເຜີຍ ຜັນທະຈອນ               ສະມາຊິກສະພາແຫ່ງຊາດ ເຂດເລືອກຕັ້ງທີ 13 ເປັນກໍາມະການ;

16. ທ່ານ ນາງ ສວນສະຫວັນ ວິຍະເກດ           ສະມາຊິກສະພາແຫ່ງຊາດ ເຂດເລືອກຕັ້ງທີ 14 ເປັນກໍາມະການ;

17. ທ່ານ ຄຳສີ ປ່ຽງວໍລະວົງ                        ສະມາຊິກສະພາແຫ່ງຊາດ ເຂດເລືອກຕັ້ງທີ 15 ເປັນກໍາມະການ;

18. ທ່ານ ນາງ ທະວີໄສ ພະສະຖານ                 ສະມາຊິກສະພາແຫ່ງຊາດ ເຂດເລືອກຕັ້ງທີ  15 ເປັນກໍາມະການ;

19. ທ່ານ ອໍາໄພ ຈິດມານົນ                        ສະມາຊິກສະພາແຫ່ງຊາດ ເຂດເລືອກຕັ້ງທີ 16 ເປັນກໍາມະການ;

20. ທ່ານ ເພັດແກ້ວ ເຮືອງປັນຍາ                ສະມາຊິກສະພາແຫ່ງຊາດ ເຂດເລືອກຕັ້ງທີ 17 ເປັນກໍາມະການ;

21. ທ່ານ ຄໍາຈັນ ໂສຕາປະເສີດ                   ສະມາຊິກສະພາແຫ່ງຊາດ ເຂດເລືອກຕັ້ງທີ 18 ເປັນກໍາມະການ;